Մեկնարկեց Ստեփան Ավագյանի անունը կրող պատանեկան XIX միջազգային բաց մրցաշարը

Սիրով և հպարտությամբ հայտնում ենք, որ այսօր ազդարարվեց Ստեփան Ավագյանի մանկապատանեկան հուշամրցաշարի մեկնարկը՝ շախմատի իրական տոնախմբություն, որն անցկացվում է սքանչելի և ոգեշնչող Ջերմուկում՝ հունիսի 28-ից հուլիսի 4-ը։

Մրցաշարի բացման արարողության ընթացքում ցուցադրվեց Ստեփան Ավագյանի պայծառ հիշատակին նվիրված ֆիլմ, որը նկարահանվել է ակադեմիայի կողմից՝ ի նշան հարգանքի և շնորհակալության։ Այնուհետև գլխավոր մրցավարը՝ ՄՄ Գևորգ Մուրադյանը, հանդես եկավ ողջույնի խոսքով և ներկայացրեց մրցաշարի կանոնադրությունը։ Խաղերի վիճակահանությունն իրականացվեց Ստեփան Ավագյանի թոռնիկ՝ փոքրիկ Ստեփանի կողմից՝ որպես հուզիչ հիշեցում, որ շախմատային ավանդույթներն ու արժեքները փոխանցվում են սերնդեսերունդ։

Այս մրցաշարը պարզապես մրցակցություն չէ. մասնակիցներն այստեղ չեն գալիս միայն հաղթելու համար։ Նրանք գալիս են սովորելու, փոխանակելու փորձը, ձեռք բերելու նոր ընկերներ և լիարժեք վայելելու այս մթնոլորտը։

Սա մի իսկական տոն է՝ լեցուն շախմատային ոգով, բարեկամությամբ և ոգևորությամբ։

Մենք սրտանց ողջունում ենք բոլոր մասնակիցներին և մաղթում ենք նրանց հաջողություն և անմոռանալի պահեր։